Gjatë qëndrimit në Tel Aviv, kryetari i Komunës së Drenasit, Ramiz Lladrovci, ka takuar Ambasadorin Dan Oryan, Drejtor i Departamentit të Diplomacisë Civile në Ministrinë e Punëve të Jashtme të Shtetit të Izraelit, ish-drejtor për Ballkanin dhe ish-Ambasador i Izraelit në Maqedoninë e Veriut.
Lladrovci ka shprehur gatishmërinë për bashkëpunim në nivelin lokal me interes të ndërsjellë si dhe me partnerë relevantë izraelitë.
Postimi i tij në rrjetin social:
Gjatë qëndrimit tim në Tel Aviv, zhvillova një takim miqësor me Ambasadorin Dan Oryan, Drejtor i Departamentit të Diplomacisë Civile në Ministrinë e Punëve të Jashtme të Shtetit të Izraelit, ish-drejtor për Ballkanin dhe ish-Ambasador i Izraelit në Maqedoninë e Veriut.
Takimi përfshiu shkëmbim informacionesh dhe diskutime rreth sfidave me të cilat përballen sot Izraeli dhe Kosova në arenën ndërkombëtare, veçanërisht pas ngjarjeve të 7 tetorit.
Ambasadori Oryan shpalosi mënyrat e mundshme të bashkëpunimit me Izraelin në nivel komunal.
Unë e falënderova z. Oryan për takimin, njëherësh vlerësova vizitën dhe takimin me kryetarin e komunës Modi’in-Maccabim-Re’ut dhe shpreha gatishmërinë për bashkëpunim në nivelin lokal me interes të ndërsjellë si dhe me partnerë relevantë izraelitë.
https://www.facebook.com/share/p/17pAmsoxWb/?mibextid=wwXIfr
