Lladrovci: Qytetarët e komunës së Drenasit kanë qenë dhe janë qytetarë kampionë

Pas mbylljes së numërimit të votave, kryetari i komunës së Drenasit, Ramiz Lladrovci, ka shprehur respekt “për secilën votë për partinë e heronjve tanë të luftës dhe paqes”, duke theksuar se qytetarët e komunës së Drenasit kanë qenë dhe janë qytetarë kampionë.

Postimi i tij në fb:

Bastioni i PDK-së, mbylli numërimin e votave, ndërsa renditja e kandidatëve, nëse lexohet drejt, dëshmon se kush punoi e kush bëhej kinse po punoj me elektoratin besnik në bastion.

Vota e qytetarëve nga komuna jonë do të mund ta bënte mrekullinë, por, kaq ishte mundësia. Qytetarët e komunës së Drenasit kanë qenë dhe janë qytetarë kampionë, respekt për secilën votë për partinë e heronjve tanë të luftës dhe paqes, vazhdojmë, bashkë, përpara!