Në takimet zgjedhore të mbajtura në Krajkovë dhe lagjen Bytyç të Arllatit, Ramiz Lladrovci ka deklaruar se qindra profile të rreme nuk po arrijnë ta tjetërsojnë të vërtetën, punën e përgjegjshme të zyrtarëve, bashkëpunimin me qytetarët si dhe perspektivën e zhvillimit të komunës në mandatin e ardhshëm, me 101 arsye, “Për Drenasin Kampion”.
Postimi i plotë i tij:
Me qytetarët e Damanekut, Krajkovës dhe me qytetarët e Lagjes Bytyçi-Arllat, mbajtëm tubim zgjedhor, bashkë me kandidatët e Listës “Për Drenasin Kampion”, Burbuqe Istogu Hoxha, Vjosa Hoxha dhe Burim Bujupin, me ç’rast i theksuam disa nga 101 arsyet për të votuar.
Megjithëse shi e ftohtë, qytetarët na nderuan me praninë e tyre të jashtëzakonshme, duke bashkëbiseduar për vizionin tonë për mandatin e ardhshëm. Qytetarët kampionë, janë të vullnetshëm për të vazhduar qeverisjen me barazi para ligjit, barazinë gjinore dhe vlerat tjera të cilat na bëjnë kampion.
Shkolla e shpifjeve e shantazheve, me dhjetëra profile të rreme në vitin 2021, tash janë bërë me qindra, megjithatë, nuk po arrijnë ta tjetërsojnë të vërtetën, punën e përgjegjshme të zyrtarëve, bashkëpunimin me qytetarët si dhe perspektivën e zhvillimit të komunës në mandatin e ardhshëm, me 101 arsye, “Për Drenasin Kampion”.
Qytetarë, 101 herë faleminderit për praninë Tuaj, vazhdojmë edhe katër!
https://www.facebook.com/share/p/1EhRiwppJG/?mibextid=wwXIfr
