Beteja e Llapushnikut përkon me Ditën e Evropës dhe me këtë rast, kryetari i Komunës së Drenasit, Ramiz Lladrovci ka shkruar se “Gryka e Llapushnikut ishte simbol i qëndresës tonë, ishte shtegu ku mbrohej liria jonë, qenia kombëtare, përkatësia jonë evropiane dhe vlerat e lirisë”, raporton Scanner.
Dita e Evropës nuk do të kishte asnjë kuptim për neve, as më 1998 e as sot, pa Betejën e Llapushnikut dhe betejat tjera të UÇK-së, ku dëshmohej se liria është më e vlefshme se jeta, ka shkruar Lladrovci.
Postimi i plotë:
Evropa, në ditën e saj më 1998, kremtonte fitoren, bashkimin dhe vlerat evropiane, ndërsa Kosova me bijtë e bijat e saj më të devotshme, përballeshin me okupatorin jugosllav fyt më fyt.
Gryka e Llapushnikut ishte simbol i qëndresës tonë, ishte shtegu ku mbrohej liria jonë, qenia kombëtare, përkatësia jonë evropiane dhe vlerat e lirisë.
Dita e Evropës nuk do të kishte asnjë kuptim për neve, as më 1998 e as sot, pa Betejën e Llapushnikut dhe betejat tjera të UÇK-së, ku dëshmohej se liria është më e vlefshme se jeta.
Lavdi heronjve, dëshmorëve dhe martirëve të lirisë!
Lavdi Ushtrisë Çlirimtare të Kosovës!
