Kryetari i komunës së Drenasit, Ramiz Lladrovci, mori pjesë në Kuvendin e jashtëzakonshëm të Asociacionit të Komunave të Kosovës, ku njëzëri u pranua Mitrovica e Veriut në këtë asociacion.
Ne nuk guxojmë të lejojmë debatin për kompetenca të cilat e lëndojnë Kushtetutën tonë, ka theksuar Lladrovci.
Postimi i plotë:
Në Kuvendin e jashtëzakonshëm të Asociacionit të Komunave të Kosovës (AKK), votuam njëzëri anëtarësimin e Mitrovicës së Veriut në AKK.
Në takim, debatova për disa çështje, dhe shtrova pyetje, si vijon:
Po, e aprovoj anëtarësimin e Mitrovicës së veriut në Asociacion, por, duhet të kemi qëndrim, me strategji të qëndrueshme me rastin e ndryshimit të mundshëm pas zgjedhjes së situatës së katër komunave në veri?
Me rastin e zgjedhjes së kryetarëve të rinj në veri, ky anëtarësim nëse shpallet i pavlefshëm, cili do të jetë qëndrimi ynë?
Të dihet se pasi sot e anëtarësojmë Mitrovicën e Veriut, çka ngjan me komunat tjera ku kanë fituar kandidatët në zgjedhje, Zubin Potoku, Zveçani dhe Leposaviqi?
Konsideroj se Asociacioni duhet të jetë gati për të mirëmbajtur kompetencat e parapara duke qenë gati të ballafaqohet me tendencat e komunave me shumicë serbe, si pushtet i ndërmjetëm. Ne nuk guxojmë të lejojmë debatin për kompetenca të cilat e lëndojnë Kushtetutën tonë!
Pyes se çka do të bëjmë pas dy muajve kur Kryeministri dhe Presidentja me rregulloren e re dhe provojnë me i rrxu katër kryetarët e komunave, ku mbetet Kushtetuta dhe ligjet tjera lidhur me kryetarët e komunave.
Edhe një herë e konfirmoj se jam për anëtarësimin e Mitrovicës së Veriut në AKK dhe uroj suksese në punën tonë të përbashkët.
https://instagram.com/p/CwQMOKINByS/
