Kryetari i komunës së Drenasit, Ramiz Lladrovci, me familjarë të dëshmorëve e qytetarë, ka përkujtuar tre dëshmorët Karaçica, Kadriun, Avdiun e Xhevdetin, në përvjetorin e rënies së tyre, raporton Scanner.
“Historia e re e Kosovës, nuk do të kishte faqet e ndritura, pa përkushtimin e djemve të Karaçicëve si dhe bijat e bijtë më të mirë të kombit të mijëra familjeve që dhanë gjithçka për çlirimin e Kosovës nga okupatori shekullor”, ka deklaruar Lladrovci.
Postimi në instagram:
Me familjarët e dëshmorëve, bashkëpunëtorët dhe qytetarë, përkujtuam me homazhe dhe buqetë me lule, rënien heroike të tre dëshmorëve të kombit, Kadri, Avdi dhe Xhevdet Karaçica pranë Memorialit të dëshmorëve të UÇK-së në Gllanasellë.
Vëllezërit Kadriu dhe Avdiu dhe djali i axhës, Xhevdet Karaçica, iu përgjigjen thirrjes së atdheut për liri, duke iu bashkuar Ushtrisë Çlirimtare të Kosovës dhe ranë në altarin e lirisë, ashtu siç i ka hije atdhetarëve të paharrueshëm të kombit.
Historia e re e Kosovës, nuk do të kishte faqet e ndritura, pa përkushtimin e djemve të Karaçicëve si dhe bijat e bijtë më të mirë të kombit të mijëra familjeve që dhanë gjithçka për çlirimin e Kosovës nga okupatori shekullor. Andaj ne, sot e gjithmonë, do t’i kujtojmë me nderim dhe përkulemi para sakrificës së tyre.
Lavdi dëshmorëve të kombit Kadri, Avdi dhe Xhevdet Karaçica!
Lavdi Ushtrisë Çlirimtare të Kosovës!
