Sot në Sallën e Kulturës në Drenas, është mbajtur Koncert nga ShFMU “Halil Bajraktari” nën drejtimin e prof. Hajzer Gjoshi, në nderim të 1432 fëmijëve të vrarë gjatë luftës çlirimtare, ku morën pjesë qytetarë të shumtë, nxënës e drejtues të pushtetit lokal dhe deputetë të Kuvendit si dhe kryetari i komunës, Ramiz Lladrovci.
Ky koncert lë të jetë edhe mesazh se kush e harron historinë, është i dënuar për ta përsëritur atë, ka shkruar Lladrovci.
Postimi i plotë i tij:
Koncerti i organizuar nga ShFMU “Halil Bajraktari” në Drenas, nga mësimdhënësi i kësaj shkolle, Hajzer Gjoshi, ishte nderim e kujtesë për 1432 fëmijët e vrarë gjatë luftës tonë çlirimtare.
1432 fëmijët e vrarë, janë dëshmi për vlerën e lirisë tonë, për vlerën e shtetit tonë, andaj, ne nuk do të harrojmë si erdhi liria. Ky koncert lë të jetë edhe mesazh se kush e harron historinë, është i dënuar për ta përsëritur atë.
Përgëzoj drejtuesit e Shkollës “Halil Bajraktari”, prindërit dhe nxënësit që e kanë bërë koncertin të paharrueshëm. Profesor Gjoshi, ju faleminderit për këtë angazhim tejet të çmuar me nxënësit para një publiku të shkëlqyer në kujtim të fëmijëve tanë.
Nderim i përjetshëm për 1432 fëmijët e vrarë gjatë luftës!
Lavdi e nderim për dëshmorët dhe martirët e kombit!
https://www.facebook.com/share/p/18pT4cG4t4/?mibextid=wwXIfr
