Skuadra e Liverpoolit do të jetë pa sulmuesin Mohamed Salah për ndeshjen e Ligës së Kampionëve kundër Interit.
Në fakt, thuhet se Salah nuk do të udhëtojë fare për në Itali pasi është lënë jashtë ekipit për këtë përballje.
Vendimin për të mos e përfshirë në ekip Salahun, thuhet se e ka marrë trajneri Arne Slot dhe Bordi i klubit anglez, të cilët kanë reaguar pas kritikave të sulmuesit nga Egjipti.
Salah ishte i ashpër me klubin pas barazimit me Leedsin në kuadër të Premier Leagues, ku insistoi se dikush po punon kundër tij.
Ndeshja Inter – Liverpool, luhet të martën prej orës 21:00 dhe i takon xhiros së gjashtë të fazës së ligës të Championsit.
33-vjeçari është pjesë e Liverpoolit prej vitit 2017 dhe me ekipin anglez ka kontratë deri në fund të këtij sezoni.
