Liverpooli më në fund ka arritur fitoren e shumëkërkuar, duke triumfuar në udhëtim te West Hami në Londër.
Para kësaj ndeshje, Liverpooli kishte nëntë humbje në 12 ndeshjet e fundit, dhe ishte pa fitore në tri ndeshjet e fundit.
Megjithatë, duket se skuadra e drejtuar nga Arne Slot e ka lënë pas krizën e rezultateve, pasi mori një fitore të madhe ndaj londinezëve të drejtuar nga Nuno Espirito Santo.
Liverpooli fitoi 2-0, me dy golat e shënuar në pjesën e dytë, pas një pjese të parë pa gola.
Një lajm tjetër i mirë për Liverpoolin është edhe se Alexander Isak po ashtu e ka hapur llogarinë e golave me klubin në ligë, pasi shënoi i pari në minutën e 67-të të ndeshjes, pas asistimit nga Coady Gakpo.
Ky i fundit e shënoi edhe golin e dytë të ndeshjes, në minutat e fundit të takimit – në kohën shtesë.
West Hami luajti për disa minuta pa një lojtar, pasi Lucas Paqueta u ndëshkua dy herë me të verdhë për një minutë, pas protestave ndaj gjqytarit të ndeshjes, Darren England.
Me këtë fitore, Liverpooli ngjitet në pozitën e tetë në tabelë me 21 pikë, aq sa ka edhe Unitedi një pozitë më lartë.
Ndërkohë, West Hami mbetet i 17-ti me vetëm 11 pikë të tubuara deri më tani.
