Të dy skuadrat edhe pse me humbje, janë shumë afër ta sigurojnë kalimin në fazën tjetër të garës, atë të eliminimit direkt.

Toulouse – Liverpool

Skuadra vendase ishte më e motivuar se kurrë sot. Francezët zhvilluan një nga paraqitjet më të mira të tyre në vitet e fundit, ku i shkaktuan mjaftë shumë kokëçarje skuadrës së Jurgen Klopp.

Aron Donnum gjeti rrjetën në pjesën e parë në minutën e 36-të, për 1:0, që ishte goli i vetëm i 45 minutave të para.

Pjesa e dytë ishte më aktive nga të dyja skuadrat, ku u shënuan gjithsej katër gola deri në fund.

Ishte sulmuesi holandez Thijs Dallinga, që dyfshoi epërsinë në minutën e 58-të me një gol shumë të bukur.

Pak minuta më vonë, saktësisht në minutën e 74-të, Cristian Casseres, shënoi autugol, për ngushtimin e rezultatit në 2:1.

Por skuadra vendase u kundërpërgjigj shpejt dhe Frank Magri shënoi për 3:1 dy minuta më vonë.

Krejt çfarë Liverpooli bëri deri në fund ishte një gol i shënuar nga Diogo Jota në minutën e fundit të takimit, për 3:2.

Edhe pse humbën, Liverpooli mbetet në vend të parë me nëntë pikë, ndërsa Toulouse është ndjekësi më i afërt me shtatë pikë.

Slavia Prague – Roma

Slavia e Pragës ia ka shkaktuar një humbje të hidhur skuadrës së Jose Mourinhos.

Pjesa e parë e takimit përfundoi pa gola, ndërsa në 45 minutat e dyta u shënuan dy golat që vendosën fatin e takimit.

Ishte Vaclav Jurecka që shënoi për epërsinë fillestare të Slavisë së Pragës në minutën e 50-të.

Ndërsa për rezultatin përfundimtar u kujdes Lukas Masopust, që në minutën e 74-të shënoi për 2:0.

Roma dhe Slavia janë në krye të grupit me nga nëntë pikë, me Servette që ka katër pikë në vendin e tretë dhe e fundit Sheriff me një pikë.