Lista serbe ka reaguar pas vendimit të Qeverisë së Kosovës që t’i shpallë organizata terroriste “Mbrojtja Civile” dhe “Brigada e Veriut”.
Sipas tyre, kryeministri i Kosovës, Albin Kurti e ka bërë këtë për të krijuar një “armik virtual të sajuar” që të justifikojë sipas tyre, “vazhdimin e terrorit politik” të tij në veri të Kosovës, përcjell teve1.info
Përmes një njoftimi në Facebook, ata thonë se me këtë vendim, Kurti po planifikon ta përshkallëzojë situatën.
“Po të mos ishte i rrezikshëm, ky aktivitet i Albin Kurtit, Xhelal Sveçlës dhe ministrave të tjerë të Prishtinës do të ishte qesharak. Megjithatë, planet që dalin nga ky vendim tregojnë se në vend të deeskalimit me ftesë të gjithë bashkësisë ndërkombëtare dhe mbarë popullit serb, Kurti planifikon përshkallëzimin e mëtejshëm, shtypjen dhe forcimin e pushtetit parapolitik, okupues në veri të vendit. Kosova dhe Metohia”, thuhet në njoftimin e tyre.
Sipas Listës Serbe, “Brigada e Veriut” është një organizatë që ekziston vetëm në kokën e Kurtit.
“Kujtojmë qytetarët se Brigada Veriore është një organizatë virtuale që ekziston në kokën e Kurtit dhe Mbrojtja Civile prej vitesh është integruar me ish-punëtorët e saj në institucionet e Kosovës, prej të cilëve këta punëtorë marrin paga edhe sot. Gjithashtu, ju kujtojmë të gjithëve se ky vendim i djeshëm i regjimit të Kurtit vjen pas një emisioni të përgatitur dukshëm nga qeveria e Kurtit, kur u gjet një automjet fantazmë me disa armë, të cilat mund të futeshin në një kamion dhe jo në një automjet pasagjerësh, por edhe pasi kishin hedhur disa mjete djegëse në ndërtesën e komunës Severna Mitrovicë. Në të dyja rastet, skena është në parametrat që kontrollohen prej javësh nga forcat speciale të Curtis, kamerat e tyre dhe dronët dhe pajisjet e tjera vëzhguese”, thuhet në njoftim.
Tutje, ata kanë kërkuar nga KFOR-i dhe EULEX-i që të vendosin forcat e tyre në veri të Kosovës “dhe me veprime parandaluese të pengojnë Kurtin të realizojë planin e tij djallëzor dhe të kërcënojë paqen në këto zona”.
Që nga përfundimi i luftës në vitin 1999, në territorin e Kosovës kanë operuar struktura ilegale të mbështetura dhe të financuara nga shteti i Serbisë.
“Mbrojtja Civile” dhe “Brigada e Veriut”, si formacione të tilla, u shpallën nga Qeveria e Kosovës si organizata terroriste.
