Në një emision me gazetarin Arben Ahmeti, ky dhe anëtari i Vetëvendosjes, Agim Bahtiri vendosën të garojnë se kush po i bën komplimente më të mira kryeministrit Albin Kurti.

Sipas Bahtiri, kryeministri është një “lis i fuqishëm e i madh, dhe s’e pyet askënd se sa thellë i shtrin rrënjët e tij”.

“Ne e kemi një kryeministër, po du me të tregu, i cili është një lis, shumë i madh, i fuqishëm dhe nuk pyet askënd se sa thellë i shtrin rrënjët e veta dhe i zgjeron ato. Bash kërkon se pyet. Dhe unë e përgëzoj që është i vendosur, e ka një vizion të qartë dhe atij vizioni i përmbahet dhe unë mendoj që është lis i fuqishëm që do të jetë shembull edhe pas dhjetra viteve si një kryeministër i cili e ka pasur një vizion të qartë.” – tha fillimisht ai.

Madje, sipas Bahtirit, Kurti është edhe “yll i rokut” që kudo që shkon, mbledh me mijëra persona.

“Unë mendoj se është një yll i rokut, i cili çdokund që shkon, i mbledh, i afron, i këshillon, i bashkon me qindra mijëra vetë, në trojet shqiptare kudo që gjinden.” – tha ai.