Emma Coronel, gruaja e bosit të drogës meksikan Joaquín “El Chapo” Guzman, është liruar nga burgu në ShBA.
Ajo e pranoi fajësinë kur akuzohej për trafik droge, dhe u dënua me tre vjet burg në nëntor 2021, por u lirua para kohe.
Byroja Federale e Burgjeve e konfirmoi lirimin e saj, raporton BBC.
Burri i saj është i dënuar me burgim të përjetshëm për drejtimin e kartelit Sinaloa.
El Chapo dënimin po e vuan prapa grilave në një burg në Oregon.
Ndërsa muajin e kaluar ai përmes një letre të shkruar me dorë, kërkonte që gruaja dhe dy vajzat e tyre të lejoheshin ta vizitonin në burgun e sigurisë maksimale.
Gruaja e tij që fitoi lirinë e përshkruan El Chapon si një baba, mik, vëlla, bir, partner të shkëlqyer.
Në gjyqin e saj ajo kërkoi mëshirë nga gjyqtari për hir të fëmijëve të saj, ku e luti atë që të mos lejojë që fëmijët e saj të rriten pa praninë e nënës.
Ajo u dënua me tre vjet burg të cilat më pas u reduktuan, duke i hapur rrugën lirimit të sotëm.
Përveç trafikut të drogës, ajo akuzohej edhe për shpëlarje parash.