- Advertisement -
Ministrja e Drejtësisë, Albulena Haxhiu, ka reaguar pas lirimit me dorëzani të Dejan Pantiq nga ana e gjykatës.
Sipas saj, të gjithë kriminelët të cilët sulmuan policinë dhe cenuan rendin kushtetues, gjykata i ka liruar me dorëzani.
“Si ka nisur kështu, nuk është larg mendsh nëse edhe terroristët e sulmit terrorist të 24 shtatorit t’i lirojnë me dorëzani. Kjo veç drejtësi nuk është! E papranueshme”, ka shkruar ajo në Facebook.
“I bëj thirrje Këshillit Gjyqësor të Kosovës, t’i trajtojë këto raste dhe të mos lejojë keqpërdorimin e dorëzanisë”, ka shtuar tutje ministrja e Drejtësisë.
