- Advertisement -
Ylli i futbollit, Lionel Messi, ka lançuar linjën e tij të parë të parfumeve, duke ndarë një video promovuese në Instagram, ku ka mbi 500 milionë ndjekës.
“Jam shumë i lumtur që të prezantoj parfumin tim të parë. Ai është i disponueshëm në shitësit kryesorë të parfumeve në botë. Shpresoj se do t’ju pëlqejë,” shkroi Messi.
Në klipin promovues, përshkruhet se “Aroma Leo Messi” është krijuar për të provokuar një lidhje të thellë emocionale, duke kapur thelbin e Messit si kampion bote, baba dhe zotëri.
“Ky parfum krijon një ekuilibër harmonik midis freskisë gjallëruese dhe ngrohtësisë,” theksohet në përshkrim.
Parfumi “Leo Messi Eau De Parfum” (100 ml) kushton 95 euro, ndërsa seti i dhuratave është në dispozicion për 110 euro. Ky hap i ri i Messi-t në botën e modës dhe parfumeve tregon përzgjedhjen e tij për të shprehur stilin dhe personalitetin e tij edhe përmes aromave.
