Kryetari i Nismës Socialdemokrate, Fatmir Limaj, nga Rahoveci, tha se Kosova fituese është ajo që qytetarët e këtij vendi e shohin çdo ditë në Rahovec.

“Kosova fituese është ajo që po e shikoni ju në Rahovec çdo ditë, zgjedhja e duhur. Ne jemi bashkuar me njerëz që besojnë në punët që bëjmë, me energji pozitive. Ne besojmë në atdheun tonë, në Kosovën tonë. Dikur besuam në lirinë e Kosovës dhe ajo liri erdhi,” tha Limaj.

Më tej, Limaj theksoi se për një Kosovë fituese janë ngritur njerëz me vepra, duke kërkuar nga qytetarët që t’i votojnë.