Lideri i NISMA-s, Fatmir Limaj, ka kritikuar kryeministrin Albin Kurti lidhur me veprimet që ka bërë për veriun e vendit.
Limaj në emisionin Pressing në T7 ka thënë se pjesa veriore e Kosovës nuk integrohet me bazat e njësive speciale.
“I margjinizove ata, ju dhe pretekstin për me u largu nga institucionet, i deshën uniformat, u larguan nga gjykatat, nga prokuroritë, dhe ku janë targat? I shtynë targat, të erdhën barrikadat, çka solle? Rrugën që ndjeke, çka solle?”, ka thënë Limaj.
Limaj ka thënë se kjo rrugë e të bërit politikë është primitive.
“Integrimi i pjesës veriore të Kosovës bëhet me bazat e njësive speciale a ? Qe qikjo është politike primitive. Ju mendoni me dy-tri baza të njësive speciale integrohet Mitrovica a? Ju mendoni që Mitrovica mbahet me ushtri a? Përjetësisht a? Nuk është kjo rruga edhe s’mbahet kjo. Nuk është rruga që na mundemi me zgjedh. Kjo edhe është e dëmshme, edhe është shpenzuese edhe s’ka Kosova resurse me ba këtë punë kështu. Kjo nuk është rruga që duhet me zgjedh. Na duhet me zgjedh rrugën e vështirë, po më të sigurt”, ka thënë Limaj.
