Kryetari i Nismës Socialdemokrate, Fatmir Limaj është takuar me strukturat e partisë ku është diskutuar për zgjedhjet e 9 shkurtit 2025.
Limaj ka thënë se “9 Shkurti është dita kur qytetarët tanë përfundimisht e kanë mundësinë që të zgjedhin veprat para fjalëve boshe e mashtrimeve”.
“Të bashkuar dhe energjik për sfidat e radhës, së bashku me kandidatët për deputet diskutuam mbi zhvillimet e fundit politike në vend. Derisa çdo ditë e më shumë po dëshmohet keq qeverisja dhe kursi i gabuar diplomatik i kësaj qeverie, NISMA Socialdemokrate mbetet e angazhuar në ndryshimin e domosdoshëm që i duhet vendit. 9 Shkurti është dita kur qytetarët tanë përfundimisht e kanë mundësinë që të zgjedhin veprat para fjalëve boshe e mashtrimeve”, ka shkruar Limaj në Facebook.
