Ethan Mbappe, vëllau i yllit të Real Madridit, Kylian Mbappe, është bërë me skuadër të re. Ai pas largimit nga PSG, është transferuar te skuadra tjetër franceze, Lille.
Pritej që Ethan të ndiqte vëllain e tij të madh nga PSG pas lëvizjes së Kylian në Real Madrid si agjent i lirë këtë verë. Lille ishte shfaqur si favorit kryesor për të nënshkruar me 17-vjeçarin Ethan dhe klubi i Ligue 1 tani ka njoftuar marrëveshjen.
Lille njoftoi se reprezentuesi francez i të rinjve kishte nënshkruar me klubin për një marrëveshje trevjeçare deri në verën e vitit 2027. Është kontrata e parë profesionale e Ethanit pasi ai ishte mbajtur në një kontratë për të rinjtë me PSG-në dhe ishte paraqitur vetëm pesë herë me Les Parisiens. Sipas komunikimit zyrtar të Lille , Ethanit i është dorëzuar fanela me numrin 29 për sezonin e tij të parë larg Les Parisiens.
Duke folur për mediat e klubit pas nënshkrimit të kontratës së tij, Ethan tha: “Jam shumë i lumtur që i bashkohem LOSC. Mezi pres të filloj këtë aventurë dhe të takoj bashkëlojtarët e mi të rinj, stafin, si dhe mbështetësit. Për mua, në këtë moshë, qëndrimi në Francë ishte alternativa më e mirë për të përparuar në karrierë. Lille ishte projekti më i mirë. Një nga klubet më të mira në Francë. Është krenari të kesh mundësinë të luash këtu.”
Ndërsa ishte në Parkun e Princave, 17-vjeçari shihej gjithmonë nën hijet e arritjeve të vëllait të tij të madh dhe ai do të shpresojë që ndarja e rrugëve të tyre më në fund do ta lejojë atë të bëjë emër në futboll.
