Skuadra gjermane, Borussia Dortmund ka fituar në shtëpi me rezultat minimal 1 me 0 ndaj Chelseat në ndeshjen e parë të fazës 1/16 e finales në UEFA Champions League.

Goli i vetëm në këtë ndeshje u shënua në minutën e 63’të të pjesës së dytë. Ishte sulmuesi i talentuar, Karim Adeyemi që realizoi një gol tejet të bukur.

21-vjeçari u shfaq në një kundërsulm tejet të frikshëm, ku kaloi 120 milionëshin, Enzo Fernandez dhe portierin spanjoll, Kepa.

Ndeshja e kthimit në ‘Stamford Bridge’ zhvillohet muajin tjetër, saktësisht më 7 mars nga ora 21:00.