Ish-udhëheqësja e Mianmarit, Aung San Suu Kyi është falur në pesë nga 19 akuzat e ngritura kundër saj nga ushtria.
Falja, pjesë e një amnistie sezonale, do të ulë dënimin e saj prej 33 vjet burgim me gjashtë vjet.
Ish-presidenti Win Myint, i cili u rrëzua nga pushteti së bashku me Suu Kyi, mori gjithashtu një dënim të reduktuar me burg pasi u falen dy nga të akuzuarit e tij.
Amnisti periodike janë shpallur edhe më parë, por kjo është hera e parë që ato përfshijnë Suu Kyi dhe Myint, raporton BBC.
Junta ushtarake ka bërë lëshime të tjera në atë që duket të jetë një përpjekje për të ringjallur përpjekjet e bllokuara të diplomacisë.
Javën e kaluar, Suu Kyi u zhvendos nga burgu në arrest shtëpiak në kryeqytetin Nay Pyi Taw.
78-vjeçarja laureate e Nobelit është arrestuar nga ushtria që nga shkurti i vitit 2021 pas grushtit të shtetit që e rrëzoi atë.
Grushti i shtetit shkaktoi luftë civile në vend dhe ka çuar në vdekjen e mijëra njerëzve.
