Robert Lewandowski është prezantuar sot para tifozëve të Barcelonës në “Camp Nou”.
Sulmuesi polak ishte paraqitur me katalunasit në ndeshjet para-sezonale, por kjo nuk e zbuti entuziazmin pasi mijëra tifozë u mblodhën për ta parë atë në ceremoninë zyrtare të prezantimit.
Ndoshta detaji më interesant është se ai doli në fushë i veshur me fanellën me numrin “9”.
Lewandowski e barti veshur fanellën me numrin “12” gjatë ndeshjeve parasezonale, pasi Memphis Depay mbante numrin “9”.
Megjithatë, duket se çështja rreth këtij numri është zgjidhur dhe holandezi ka hequr dorë.
33-vjeçari u shoqërua në fushë nga presidenti Joan Laporta, i cili bëri gjithçka për të falënderuar drejtorin sportiv Mateu Alemany dhe vetë lojtarin, por edhe agjentin e Lewandowskit, Pini Zahavi, për ndihmën e tij në arritjen e një marrëveshjeje.
“Mirëmëngjes Culers. Jam shumë i lumtur që jam këtu, faleminderit!”, ishin fjalët e para të Lewandowskit para tifozëve.
Kujtojmë se Robert Lewandowski ishte zyrtarizuar te Barcelona më 19 korrik.
TOT EL CAMP! 👏👏👏 @lewy_official pic.twitter.com/dx8YpDKG6f— FC Barcelona (@FCBarcelona) August 5, 2022
I never knew there was a … love like this before pic.twitter.com/oERYrr9nC9— FC Barcelona (@FCBarcelona) August 5, 2022
