Futbollistët e Bayer Leverkusen kishin shumë gjasa të fitojnë ndaj Leipzig, por një autogol pesë minuta para përfundimit i detyroi të kënaqen me vetëm një pikë.

Granit Xhaka ishte pjesë e skuadrës që nga fillimi dhe dukej se “farmaceutikët” do të siguronin tri pikë të reja.

Schick dhe Garcia sollën Bayer në epërsi me dy gola në minutat 18 dhe 36. Raum i skuadrës vendëse uli disavantazhin në 1:2 katër minuta para përfundimit të pjesës së parë.

Kur pritej fitorja e mysafirëve, Tapsoba shënoi autogol për epilogun 2:2. Pas këtij barazimi Bayer në vendin e dytë me 44 pikë ka tash katër pikë më pak se lideri Bayern Munih. Leipzig renditet i gjashti me 31 pikë.

Në ndeshjet e tjera të ditës së sotme Augsburg mposhti Heidenheim me rezultat 2:1, Borussia Dortmund dhe Werder Bremen barazuan 2:2, Freiburg pësoi nga Bayer Munih 1:2, Mainz 05 shënoi fitore si vendës ndaj Stuttgart 2:0.

Sonte nga ora 18:30 takohen Borussia M’gladbach-Bochum. Xhiroja e 19-të përmbyllet nesër me takimet Hoffenheim-Eintracht Frankfurt dhe Sent Pauli-Union Berlin.