Leona Lewis ka treguar se ka sjellë në jetë fëmijën e saj të parë. 37-vjeçarja dhe bashkëshorti Dennis Jauch u kanë thënë fansave se e kanë quajtur vajzën e tyre Carmel Allegra.
Me një foto në Instagram ajo shkroi: “Dhe pastaj ishin tre. Carmel Allegra jonë e vogël mbërriti më 22.7.22”.
Miqtë dhe emra të njohur të shoubizit komentuan për ardhjen e vajzës së saj.
Këngëtarja njoftoi shtatzëninë e saj në rrjetet sociale në muajin Mars duke shpërndarë një foto të saj me një fustan të zi që tregonte barkun. Në vitin 2020, ajo foli për planet e çiftit për të pasur një familje duke zbuluar se ata do të konsideronin edhe mundësinë për të adoptuar fëmijë.
Leona është e martuar me producentin dhe koreografin Dennis Jauch që nga viti 2019.
Çifti kurorëzuan lidhjen e tyre të dashurisë në Toskanë, Itali, përpara 180 miqve dhe të afërmve të tyre.
