Kapiteni i Interit, Lautaro Martinez, është larguar nga skuadra e Argjentinës pasi testet treguan se lëndimi i tij muskulor ishte shumë më serioz se sa mendohej fillimisht.
Sulmuesi pritej të qëndronte me ekipin me shpresën se do të rikuperohej në kohë për ndeshjen kualifikuese të Kupës së Botës 2026 kundër Brazilit të mërkurën, edhe nëse do të detyrohej të mungonte në përballjen e parë me Uruguain.
Megjithatë, u njoftua se Lautaro Martinez është dërguar në shtëpi për t’u vlerësuar nga mjekët e Interit.
Sipas deklaratës, ai është diagnostikuar me një dëmtim muskulor në pjesën e poshtme të kofshës së majtë.
Nëse konfirmohet, ky dëmtim do të jetë shumë më serioz se sa ishte parashikuar më parë dhe mund të rrezikojë përballjet vendimtare të çerekfinales së Ligës së Kampionëve kundër Bayern Munich.
Ai është sulmuesi i dytë i Interit që detyrohet të largohet nga detyrat ndërkombëtare për shkak të një lëndimi, pasi Marcus Thuram tashmë ishte larguar nga kampi i Francës para ndeshjeve çerekfinale të Ligës së Kombeve për shkak të një goditjeje në kyçin e këmbës.
