Lecce ka shkarkuar trajnerin Roberto D`Aversa pasi ka goditur me kokë një lojtar kundërshtar në fund të ndeshjes ndaj Hellas Verona në fundjavë, ka njoftuar klubi i Serie A.
D’Aversa e ka goditur me kokë sulmuesin e Veronës, Thomas Henry, pas humbjes 1-0 në shtëpi të dielën.
Klubi fillimisht në ditën e ndeshjes ka lëshuar një deklaratë ku ka dënuar incidentin po sot ka vendosur për shkarkimin e trajnerit.
“Pas ngjarjeve që ndodhën në fund të ndeshjes, Lecce njofton se ka liruar nga detyra trajnerin Roberto D’Aversa”, thuhet në një deklaratë të klubit.
Lecce fitoi pesë nga njëzet e tetë ndeshjet e ligës këtë sezon, gjë që i lë në vendin e pesëmbëdhjetë me njëzet e pesë pikë, një pikë mbi zonën e rënies, ndërsa Verona me fitoren e arritur nga Lecce ka prekur vendin e trembëdhjetë me njëzet e gjashtë pikë.
