Anëtarja e Lidhjes Demokratike të Kosovës, Jehona Lushaku Sadriu ka kërkuar shkarkim e ambasadori Martin Berishaj sot pasi Agjencioni Anti-Korrupsion ka dorëzuar kallëzim penal ndaj tij.
Ajo ka thënë se LDK-ja kërkon shkarkimin e ambasadorit dhe po ashtu sqarim të secilit zyrtar publikë që në fillet e shpërthimit të skandalit kishte garantuar dhe kishte marrë në mbrojtje Berishajn.
“Deri në përfundimin e rastit në fjalë, kërkojmë shkarkimin e Abasadorit Martin Berishaj; siç dhe kërkojmë sqarimin e secilit zyrtar publik, që në fillet e shpërthimit të këtij skandali, kishin garantuar dhe marrë në mbrojtje ambasadorin në fjalë”, ka shkruara ajo.
Postimi i plotë:
Shkarkimi i Ambasadorit Martin Berishaj është domosdoshmëri
Agjensioni Anti-Korrupsion sot ka dorëzuar përfundimisht kallëzim penal ndaj ambasadorit të Kosovës në Kroaci, Martin Berishaj; mbi faktet shokuese të bëra publike muaj me parë. Kallëzimi penal është përfundim logjik ndaj një skandali të fshehjes së të hyrave prej gjysmë milioni.
Hapja e hetimeve, por edhe përfshierja e një ambasadori të Kosovës në skandale ndërkombëtare financiare, dëmtojnë rënd imazhin e vendit tonë, rrjedhimisht e bëjnë të pamundur përfaqësimin e shtetit.
Prandaj, deri në përfundimin e rastit në fjalë, kërkojmë shkarkimin e Abasadorit Martin Berishaj; siç dhe kërkojmë sqarimin e secilit zyrtar publik, që në fillet e shpërthimit të këtij skandali, kishin garantuar dhe marrë në mbrojtje ambasadorin në fjalë.
