Lidhja Demokratike e Kosovës të enjeten në mbledhjen e kryesisë dhe atë me kryetarë të degëve kanë diskutuar për zhvillimet aktuale në vend.
Përmes një postimi në Facebook LDK ka deklaruar se mbetet e përkushtuar ndaj partneritetit me Shtete e Bashkuara të Amerikës dhe Bashkimin Evropian, përcjellë teve1.info.
LDK ka pohuar se mbështetja e miqve ndaj Kosovës është jetike për proceset integruese.
“Në mbledhjet e mbajtura sot, atë të Kryesisë së LDK-së dhe me kryetarë të degëve është diskutuar për zhvillimet aktuale politike në vend si dhe qëndrimet konsistente të LDK-së karshi këtyre zhvillimeve.LDK mbetet e përkushtuar ndaj partneritetit të vazhdueshëm me aleatët tanë ShBA-të dhe BE-në; ndërsa mbështetja e miqve ndaj Kosovës është jetike për proceset integruese”, thuhet në njoftimin e kësaj partie.
