Kryetari i LDK-së, Lumir Abdixhiku, ka njoftuar sonte nga Selia Qendrore e partisë se Dega e LDK-së në Malishevë ka propozuar Fetah Rudin dhe gjeneral Gëzim Hazrollin si kandidatë për deputetë.
Abdixhiku e ka vlerësuar Fetah Rudin si “pjesë të pashkruar në muret tona, por të gdhendur në historinë tonë”, duke shprehur mirënjohje për kontributin e tij. Ai ka uruar të dy kandidatët, duke u dëshiruar sukses në procesin e mëtejmë.






