Lidhja Demokratike e Kosovës ka vazhduar me serinë e postimeve “Fakteve para propagandës”.
Kjo partia ka vlerësuar se sipas Agjencisë së Statistikave të Kosovës çmimet në Kosovë janë rritur përplot 25%.
Sipas LDK-së, kjo është rritja më e madhe e çmimeve në historinë e Kosovës.
“Në 3 vitet e fundit, sipas Agjencisë së Statistikave të Kosovës çmimet në Kosovë, janë rritur përplot 25%. Kjo përqindje enorme, bën që të jetë rritja më e madhe e çmimeve në historinë e Kosovës. Pra, ky fakt dëshmon se Qeveria nuk është kujdesur për mirëqenien e qytetarëve, siç kanë potencuar se kanë bërë një gjë të tillë, sepse të dhënat zyrtare e hedhin poshtë propagandën e tyre”, ka vlerësuar LDK-ja në njoftimin e saj në “Facebook”.
Më tej, LDK-ja tregon për rritjen e çmimeve bazike.
“A e dini se sa janë rritur produktet bazike, gjatë këtyre 3 viteve? – 42%. Do të thotë, çmimet e ushqimeve që na duhen çdo ditë në tryezën tonë siç janë: buka, mielli, vaji, kripa, sheqeri, qumështi e vezët janë rritur përplot 42%, që nga koha e marrjes së mandatit të kësaj Qeverie”, ka vlerësuar LDK-ja.
