- Advertisement -
Forumi i Rinisë së Lidhjes Demokratike të Kosovës, ka publikuar një video, nëpërmjet së cilës kritikohet qeverisja e tanishme e udhëhequr nga Lëvizja Vetëvendosje.
Në këtë video, paraqitet shtrenjtimi i produkteve të ndryshme, të cilat kanë ndodhur gjatë vitit të fundit, shkruan lajmi.net.
Përveç kësaj, në video me ironi thuhet “Ju prezantojmë me ofertën më të mirë të qeverisë për vitin e fundit”.
Po ashtu, thuhet edhe se “2 vite qeverisje. 2 vite befasi”.
Duhet shtuar se kjo video e publikuar nga Forumi i Rinisë së Lidhjes Demokratike të Kosovës, vjen pak javë pas disa videove të publikuara nga VV-ja, ku sulmohen ish udhëheqësit e vendit.
