Gjatë së premtes një lajm për dorëheqjen e presidentit të Real Madrid Fiorentino Perez qarkulloi në media, por duket se asgjë nuk është ashtu si është përfolur.
Ka qenë vetë numri 1 i “Los Blancos” që ka dekaruar se nuk do të ketë asnjë largim të parakohshëm, por do të respektojë deri në fund mandatin si president i 15 herë fituesve të Champions League. Kontrata e tij përfundon në vitin 2028 dhe vetë Perez konfirmoi se ndoshta ai është momenti që do të japë fund rrugëtimit në krye të ekipit.
Mbi të gjitha do të respektojë kontratën deri në fund, si një shenjë mirënjohje ndaj ekipit spanjoll. Krahu i djathtë i Perez, Anas Laghrari po ashtu pohoi se e ka të pamundur të zëvëndësojë 78-vjeçarin në këtë moment, duke kërkuar më tepër kohë për të qenë gati. Perez padyshim është një ndër presidentët më të famshëm në botë, duke fituar gjithçka me Realin e Madridit këtë shekull.
Perez e nisi rrugëtimin në krye të “Los Blancos” në vitin 2000 dhe që nga ai moment skuadra ka njohur vetëm rrijte. Vendimet e tij kanë qenë të jashtëzakonshme duke afruar lojtarë të klasit botëror, mes tyre dhe Cristiano Ronaldo, fitues 5 herë i topit të artë
