Ndërmarrja publike “Trepça” ditëve të fundit ka njoftuar për largimin e disa minatorëve nga puna. E Sindikata e “Trepçës”, ka treguar arsyet e largimit. Në njoftimin e Sindikatës thuhet se ndërprerja e marrëdhënies së punës për këta puntorë, nuk ka të bëjë fare me hakmarrje.
“Ditët e fundit menaxhmenti i ndërmarrjes “Trepça” Sh.A ka ndërmarr veprime ligjore, ku disa ish minatorëve iu ka shkëputur marrdhenien e punës dhe të njejtit i ka publikuar me iniciale në faqen zyrtare në Fb të ndërmarrjes. Me qëllim të informimit tuaj të drejtë, ju njoftojmë se shumica e minatorëve të apostrofuar me iniciale janë minatorë që kohë më parë veq se e kanë dhënë dorheqjen e tyre nga puna në ndërmarrjen e “Trepça” Sh.A, e një pjesë tjeter për shkak të procedurave penale që janë inicuar kundrejt tyre. Ju sigurojm se ndërprerja e marrdhënies së punës për këta përsona nuk ka të bëjë fare me reagimin- shprehjen e paknaqësive të shprehur përmes protestës apo ndonjë hakmarrje në drejtim me paknaqësit tona”, thuhet në njoftimin e Sindikatës së Pavarur të Minatorëve të “Trepçës”.
Në njoftim po ashtu thuhet se menaxhmenti thjeshtë e ka zyrtarizuar dorëheqjen e atyre, të cilët veç se janë larguar me dëshirën e tyre nga ndërmarrja qoftë duke emigruar apo punisimit të tyre dikund tjeter, apo edhe ka zbatuar procedurat ligjore për përsonat që janë në ndjekje penale.
“Sindikata e Pavarur e Minatorëve të “Trepçës” së Kosovës vazhdimisht pëcjell për së afërmi secilin hap të ndërmarrë nga institucioni në raport me secilin minatorë dhe të drejtat e tyre. Sindikata gjatë angazhimit të saj pa kurfar kompromisi afirmon dhe mbron të drejtat e ligjshme të secilit minatorë dhe do ti përdor çdo her e në çdo kohë të gjithë mekanizmat ligjor për mbrojtjen e tyre. Pra Sindikata ka qëndruar dhe qëndron parimore dhe e arsyeshme duke e kuptuar rolin dhe rëndësin që ka menaxhmenti në ndërmarrje, duke e bërë të qartë se për procedurat dhe hapat ligjor që ajo ndërmerr ne do ti respektojm çdo here”, thuhet në njoftim.
