FC Barcelona pati një sezon shumë të mirë 2024–25, në të cilin disa nga lojtarët e saj shkëlqyen. Megjithatë, vëmendjen kryesore e mori sulmuesi Lamine Yamal, i cili mahniti botën me paraqitjet e tij të nivelit të lartë, vetëm në moshën 18-vjeçare.
Spanjolli mori edhe shumë vlerësime për këto paraqitje, përfshirë vendin e dytë në garën për Topin e Artë, si dhe disa çmime të tjera. Vlerësimi më i fundit për të erdhi mbrëmë, në përvjetorin e 120-të të gazetës spanjolle Mundo Deportivo, ku atij iu dorëzua Trofeu Mundo Deportivo.
Pas marrjes së çmimit, Yamal foli edhe për mediat, ndërsa një nga temat ishte e ardhmja e tij te Barcelona. Në këtë drejtim, sulmuesi u shpreh:
“Shpresoj të qëndroj këtu gjithë jetën time, aty ku kënaqem çdo ditë, te klubi më i mirë dhe në qytetin më të mirë në botë.”
Yamal foli gjithashtu për ndeshjen e ardhshme të Kupës së Mbretit ndaj Albacetes:
“Nesër është një ditë shumë e rëndësishme. Po luftojmë për gjysmëfinalen e Kupës, i cili është një trofe që duhet ta fitojmë.”
Lamine Yamal realizoi një gol të mrekullueshëm në ndeshjen e fundit ndaj Elches, dhe tifozët shpresojnë ta shohin një tjetër paraqitje brilante prej tij për ta udhëhequr ekipin drejt gjysmëfinales së Kupës së Mbretit.
