Lajçaku takon ndaras Kurtin dhe Vuçiqin në Davos, njofton Stano

Emisari i Posaçëm i Bashkimit Evropian për dialogun Kosovë-Serbi, Miroslav Lajçak, “do të takojë ndaras” Kryeministrin e Kosovës, Albin Kurtin dhe Presidentin e Serbisë, Aleksandar Vuçiq, në margjinat e Forumit Ekonomin në Davos, ka bërë të ditur zëdhënësi i BE-së, Peter Stano në një përgjigje me shkrim për televizionin publik.

Stano bëri të ditur se takim trilateral apo të përbashkët ndërmjet liderëve nuk është paraparë. “Takim të përbashkët në kuadër të dialogut, siç është takimi i Nivelit të Lartë apo ngjashëm, nuk do të ketë”, ka thënë Stano .