Kylie Jenner ka provokuar sërish me postimin e saj më të fundit në Instagram, ku shfaqet me reçipeta rozë të ndezur dhe pozon në disa fotografi joshëse.
27-vjeçarja tregoi figurën e saj të tonifikuar dhe dekoltenë e saj të përmirësuar kirurgjikale, duke marrë vëmendjen e fansave në sekonda.
Biznesmenja dhe themeluesja e Kylie Cosmetics foli muajin e kaluar për operacionin e zmadhimit të gjoksit që bëri në moshën 19-vjeçare, duke pranuar për herë të parë detajet e procedurës që e kishte mbajtur sekret për vite, shkruan DailyMail.
Ajo madje u përgjigj një fansi në TikTok që kërkonte të dinte “sekretin” pas rezultatit natyral të operacionit.
Kylie shkroi hapur: “445 cc, profil mesatar, gjysma nën muskul, silikon.
Kirurgu plastik i saj, Dr. Garth Fisher, është i njohur si një nga emrat më të mëdhenj në Hollywood, i cili ka punuar edhe me anëtarë të tjerë të familjes Kardashian-Jenner.
Përveç zbulimeve për operacionin, Kylie ka tërhequr vëmendjen edhe për jetën e saj personale, pas ndarjes nga Travis Scott, ajo po shijon një romancë të re me aktorin Timothee Chalamet.
Së shpejti, Kylie pritet të fillojë xhirimet për sezonin e shtatë të reality show-t “The Kardashians”, ku fansat shpresojnë të shohin edhe më shumë nga jeta e saj personale dhe biznesore. /Telegrafi/
