Ditën e djeshme (e shtunë) një 45-vjeçar ka vdekur në Spitalin e Gjilanit, pasi kishte rënë nga skelet në vendin e punës në Koretin të Kamenicës.
Familjarë të viktimës kanë treguar për Insajderin se punëtori që ndërroi jetë ishte Kujtim Ibriqi nga Komorani i Komunës së Drenasit.
Për vdekjen e Kujtim Ibriqit ka shprehu ngushëllime edhe Komuna e Drenasit përmes një postimi në Facebook.
“Jam thellësisht i prekur nga lajmi i kobshëm që mora për ndarjen tragjike të Kujtimit, i cili devotshëm ishte duke punuar për të fituar bukën e gojës për familje, Zoti e mëshiroftë të ndjerin, familjes ngushëllimet më të sinqerta“, ka thënë kryetari Ramiz Lladrovci.
Lajmin e ka konfirmuar zëdhënësi i Policisë së Kosovës për rajonin e Gjilanit, Ismet Hashani. Ai tha se viktima ishte rrëzuar nga skelet gjatë punimeve në një vend-punishte në fshatin Koretin të Kamenicës.
“Me datën 08.04.2023 rreth orës 13:10 stacioni policor në Kamenicë, është njoftuar se në qendra emergjente të spitalit rajonal të Gjilanit është një person mashkull kosovar (viti i lindjes 1978) pa shenja jete”, ka thënë Hashani
