Ambasadori i ri i Shteteve të Bashkuara të Amerikës, Jeff Hovenier, sapo ka arritur në Kosovë për të filluar misionin e tij të ri.
Në një video, ai tha se ndihet i nderuar që është përzgjedhur nga presidenti Biden për të udhëhequr misionin e tij të rëndësishëm në forcimin e lidhjeve të forta ndërmjet dy vendeve.
Hovenier tha se do të angazhohet që të jetë një Kosovë e integruar në rajon dhe në institucionet evropiane dhe euro atlantike.
“Njihuni me Jeff Hovenier, ambasadorin e ri të SHBA-së në Republikën e Kosovës!
Shikoni videon për të mësuar më shumë rreth përvojave të tij të mëparshme, prioriteteve të tij dhe asaj që ai mezi pret të shohë dhe të bëjë gjatë kohës së tij këtu. Bashkohuni me ne në mirëseardhjen e tij teksa ai dhe familja e tij e bëjnë Kosovën shtëpinë e tyre të re!”, thuhet në njoftim.
