Kuvendi në kërkim të përkthyesve, ndan 23 mijë euro për përkthime në gjuhë të huaja

Më së shpeshti në këto ambiente përdoret gjuha shqipe.

Por jo të gjithë ata që punojnë këtu, gjuhë të parë e kanë shqipen.

Për këtë, bëhen edhe përkthime me gojë dhe transkriptime për komunikime jashtë Kuvendit.

E lidhur me këtë, ky institucion ka ndarë 23 mijë euro për 6 përkthyes në gjuhën angleze, 2 në gjuhën frënge dhe dy në gjuhën turke, dhe nga një përkthyes në gjuhën gjermane dhe italiane.

Për marrjen e gjithë këtyre shërbimeve nevojitet njoftim paraprak.

E përcaktuar është edhe numri i përkthimeve në letër përgjatë një dite pune.

Këto shërbime janë paraparë të ofrohen përgjatë 36 muajve. /Tëvë1/