Kuvendi i Kosovës do të mbajë nesër seancë të veçantë për nder të shënimit të 23 vjetorit të ndërhyrjes së NATO-s në Kosovë.
Kjo është bërë e ditur përmes një njoftimi për media nga Kuvendi i Kosovës. Seanca do të fillojë nga ora 11:00.
Ndërkaq nga ora 13:00, Kuvendi pritet të mbajë edhe një seancë plenare.
Rendi i ditës
1. Deklarimet jashtë rendit të ditës,
2. Pyetjet parlamentare,
3. Miratimi i procesverbaleve nga seancat e mëparshme,
4. Debat parlamentar për politikën e jashtme,
5. Shqyrtimi i parë i Projektligjit nr.08/L-109 për Kompensimin e Viktimave të Krimit,
6. Shqyrtimi i parë i Projektligjit nr.08/L-125 për Pronën Publike,
7. Shqyrtimi i dytë i Projektligjit nr. 08/L-020 për bashkëpunim juridik ndërkombëtar në
çështjet civile,
8. Shqyrtimi i dytë i Projektligjit nr. 08/L-026 për ndryshimin dhe plotësimin e Ligjit
nr.04/L-213 për bashkëpunim juridik ndërkombëtar në çështje penale,
9. Shqyrtimi i Raportit me Rekomandime lidhur me mbikëqyrjen e zbatimit të Ligjit nr.06/L-
014 për Infrastrukturën Kritike,
10. Shqyrtimi i raportit me rekomandime lidhur me raportin e auditimit për pasqyrat
financiare të ministrisë së Arsimit, Shkencës, Teknologjisë dhe Inovacionit për vitin 2020,
11. Propozimi i GP të Listës Serbe për emërimin e anëtarit në Komisionin Ad-Hoc për
përzgjedhjen e kandidatëve për një (1) anëtari të Bordit për Ankesa të Mediave,
12. Zgjedhja e anëtarëve të Komisionit për Ndihmë Shtetërore,
13. Formimi i Komisionit Hetimor Parlamentar lidhur me menaxhimin e krizës energjetike
nga ana e Qeverisë së Republikës së Kosovës.
