Të hënën do të mbahet mbledhja e Kryesisë së Kuvendit e poashtu edhe dy seanca plenare, njëra e jashtëzakonshme.

Sipas njoftimit të Kuvendit, Kryesia do të mblidhet nga ora 10:00 ku në rend dite për shqyrtim janë disa pika nga seancat e kaluara.

E pas mbledhjes së kryesisë, do të ketë seancë me fillim nga ora 11:00.

Në seancën e parë do të shqyrtohen pikat e papërfunduara nga seancat plenare.

Në rend dite janë edhe pikat e papërfunduara edhe nga seanca e jashtëzakonshme e 26 prillit.

Seanca e jashtëzakonshme me rend dite “Ratifikimi i anëtarit të Këshillit Shtetërorë të Cilësisë në Agjencinë kosovare të Akreditimit”, do të mbahet nga ora 13:00.