“Kush po të fton ty moj zonjë?”, Kryemadhi rrëfen telefonatën me Yuri Kim gjatë protestës për Klodian Rashën
Monika Kryemadhi rrëfeu një telefonatë që ka pasur me ish-ambasadoren amerikane në Shqipëri Yuri Kim, gjatë protestave për vrasjen e të riut Klodian Rasha nga policia.
Deputetja u shpreh se diplomatja amerikane i kërkoi që të tërhiqte të rinjtë pjesëmarrës në këtë protestë, kërkesë të cilën Kryemadhi zbuloi në A2 TV se nuk e pranoi.
“Në ka marrë Yuri Kim në telefon dhe më ka thënë tërhiqi të rinjtë nga protesta se ndryshe nuk të vij në Jalë. Po kush të ka ftuar ty moj zonjë. Se duhet me të ftu. Dhe këta të rinj kur e panë që ambasada e BE-së dhe e ShBA-së me policin që vrau Klodian Rashën, normal që do të ikin”, tha Kryemadhi. /A2 Televizion/
