Ylli i Argjentinës dhe Paris Saint-Germain, Lionel Messi, i ka shqetësuar tifozët e Barcelonës e Inter Miamit me një postim të sponsorizuar në Instagram, pasi për një moment u duk se ai po i bashkohet ndonjë skuadre të Arabisë Saudite.
Ylli i PSG-së ndau një imazh të sponsorizuar nga Arabia Saudite teksa shprehte dashurinë e tij për peizazhin e vendit, ose të paktën gatishmërinë e tij për t’u paguar për të vënë në pah bukurinë e kombit.
“Kush mendoi se Saudia ka kaq shumë gjelbërim? Më pëlqen të eksploroj mrekullitë e saj të papritura sa herë që mundem. #visitsaudi”.
Messi është lidhur me një lëvizje në Arabinë Saudite në muajt e fundit që kur rivali i tij i vjetër Cristiano Ronaldo iu bashkua Al-Nassr. Ky postim që ka të bëjë me kombin e Lindjes së Mesme do të jetë shqetësuese për tifozët e Barcelonës dhe Inter Miami, me të dyja skuadrat e interesuara për nënshkrimin e tij nga PSG-ja, kur të skadojë kontrata e tij me klubin francez.
Trajneri i Barçës, Xavi konfirmoi se klubi katalanas u takua me 35-vjeçarin për një lëvizje të mundshme në Camp Nou, ndërsa pronari i Inter Miami, David Beckham foli me të në Paris këtë javë.
Argjentinasi ka të ngjarë të jetë sërish në aksion të dielën kur skuadra e tij do të përballet me Lorient në Ligue 1.
