Donald Trump është martuar tre herë. Gruaja e tij e parë ishte Ivana Trump, gruaja e dytë ishte Marla Maples dhe tani ai është i martuar me Melania Trump.
Marrëdhënia e tij me Marla në vitin 1989 ku u bë e ditur se Donaldi po e tradhtonte Ivanën me ish-modelen Marla Maples, transmeton Indeksonline.
Si e morën vesh për këtë lidhje?
Në fillim, Ivana nuk i besoi thashethemet se Donald po e tradhtonte.
“Pavarësisht thashethemeve, të cilat duhet të merren gjithmonë parasysh, nuk kisha arsye të dyshoja se ai po më tradhtonte. Donaldi nuk humbi peshë dhe nuk ndryshoi modelin e flokëve. Ai veproi ashtu siç veproi gjithmonë në shtëpi”, shpjegoi Ivana Trump në librin e saj Raising the Trumps.
Skandali doli në dritë kur Marla dhe Ivana u gjendën në Aspen për pushimet dimërore. Takimi u zhvillua më 30 dhjetor 1989, gjatë drekës në restorantin Bonnie. Mediat më pas kanë shkruar se ka pasur një përleshje të madhe, e disa kanë shkruar edhe se ka pasur një përplasje fizike.
Dyshohet se Marla ka ardhur te Ivana dhe i ka thënë: “Unë jam Marla dhe e dua burrin tënd. A e do atë?” Për këtë, Ivana dyshohet se ka thënë: “Hiluni, unë e dua burrin tim”. Para kësaj, Ivana dëgjoi Donaldin të përmendte Marlën në një telefonatë dhe kur e pyeti se kush ishte ajo grua, ai tha se Marla po e ndiqte dhe se nuk ishte asgjë serioze
