- Advertisement -
Shefja e Grupit Parlamentar të Lëvizjes Vetëvendosje Mimoza Kusari-Lila, i është kundërpërgjigjur akuzave të shefit të deputetëve të Partisë Demokratike të Kosovës Abelard Tahiri, për rastin e ish-shefit të KEK-ut Nagip Krasniqi.
Kusari-Lila tha se Nagip Krasniqi s’ka të bëjë me shitjen e energjisë elektrike.
“Akuza e cila ende nuk është plotësuar për zotërin Krasniqi me shumë defekte, nuk ka të bëjë me tregtimin e energjisë, por ka të bëjë me një rast ekskluzivisht të remontit, ashtu edhe siç kemi arritur të marrim informacione nga mediat dhe materialet që janë publikuar”, tha Kusari-Lila.
“Prezumimi i pafajësisë është ajo çka duhet t’ia japim z. Krasniqi. Sepse kemi parë procese e procese e pastaj pafajësi në fund”, theksoi ajo.
