Kurti viziton kazermën “Adem Jashari” në ndërrimin e motmoteve: FSK-ja i jep siguri e forcë gëzimit të Kosovës në vitin 2024

Kryeministri i Kosovës, Albin Kurti, ka vizituar kazermën “Adem Jashari” me rastin e ndërrimit të motmoteve.

Me këtë rast, Kurti ka thënë se gëzimi i Forcës së Sigurisë i jep siguri e forcë gëzimit të Kosovës në vitin 2024.

“Nga Kazerma ‘Adem Jashari’, te ushtarë e oficerë kujdestarë, me Ministrin e Mbrojtjes Ejupin dhe Komandantin e Ushtrisë Bashkimin, gëzimi i Forcës së Sigurisë i jep siguri e forcë gëzimit të Kosovës në vitin 2024. Ju dëshiroj të gjithëve ngado që jeni shëndet e lumturi, suksese e mbarësi për çdo ditë gjatë Vitit të Ri!”, ka shkruar Kurti në Facebook.