Kryeministri Albin Kurti ka treguar për vendimet që sot janë marrë në mbledhjen e Qeverisë së Kosovës.
Ai ka treguar se nder vendimet më të rëndësishme ka qenë miratimi e projektligjit të finalizuar për Byronë Shtetërore për Verifikimin dhe Konfiskimin e Pasurisë së Pajustifikueshme.
As kësaj here ai nuk i ka harruar kritikat ndaj Gjykatës Kushtetuese për këtë projektligj.
“E filluam me miratimin e projektligjit të finalizuar për Byronë Shtetërore për Verifikimin dhe Konfiskimin e Pasurisë së Pajustifikueshme. U desh të presim 17 muaj që Gjykata Kushtetuese ta trajtojë lëndën e dorëzuar nga opozita parlamentare, por kjo nuk e ka zbehur aspak bindjen tonë që ky projektligj është i duhur dhe i nevojshëm dhe që Byroja do të bëhet”, ka shkruar Kurti në profilin e tij në “Facebook”.
