- Advertisement -
Kryeministri i Kosovës, Albin Kurti, ka deklaruar se janë duke u përgatitur për të aplikuar për anëtarësim në aleancën euroatlantike NATO dhe në Bashkimin Evropian.
Kurti ka dhënë këto deklarata gjatë fjalimit të tij në mbledhjen e 47-të të Këshillit të Përgjithshëm të Lëvizjes Vetëvendosje, ku ka theksuar se në një vit qeverisje kanë punuar dhe kanë arritur rezultate në shumë sfera në të mirë të qytetarëve.
“Aplikuam për anëtarësim në Këshillin e Evropës, anëtarësimi ynë është vlerë e shtuar për Këshillin dhe mundësi për Kosovën që të përparoj më shumë në fushën e demokracisë, e të drejtave të njeriut dhe sundimit të ligjit”, ka thënë ai.
Ai ka thënë se janë duke vazhduar përgatitjet për aplikim për anëtarësim në NATO dhe BE.
