Kurti takohet me Lajçakun e Borrellin: Rruga përpara është e rrënjosur në zbatim të shpejtë të Marrëveshjes Bazë

Kryeministri Kurti ka zhvilluar takimin e paralajmëruar me përfaqësuesin e lartë, Borrell dhe emisarin e BE-së për dialogun, Lajçak në forumin GLOBSEC në Sllovaki.

Atyre u ka ritheksuar se sulmet e milicisë serbe ndaj organeve të sigurisë e gazetarëve janë të papranueshme, përderisa ka kërkuar zbatim të shpejtë të marrëveshjes me Serbinë.

“Në udhëtimin tim ditor në GLOBSEC, u takova me Përfaqësuesin e Lartë dhe Zëvendëspresidentin Josep Borrell dhe Miroslav Lajcak. Ritheksova se sulmet e milicisë serbe ndaj Policisë, KFOR-it dhe gazetarëve janë të papranueshme. Rruga përpara është e rrënjosur në demokraci, sundim të ligjit dhe zbatim të plotë dhe të shpejtë të Marrëveshjes Bazë”, ka shkruar Kurti.