Zyra e Kryeministrit ka bërë të ditur se i pari i Qeverisë ka pritur sot në takim antorpologen Janet Reineck. Reineck është antropologe e njohur si dhe ka luajtur rol në promovimin e trashëgëmisë kulturore në Kosovë.
Në komunikatë ndër të tjera thuhet se “. Nëpërmjet këtij bashkëpunimi, synohet të përforcohet promovimi i trashëgimisë kulturore dhe të avancohet turizmi rural në Kosovë.”.
E plotë:
Kryeministri i Republikës së Kosovës, Albin Kurti, priti sot në takim antropologen, Janet Reineck.
Znj. Reineck, një antropologe e njohur dhe mike e madhe e Kosovës, është një figurë e rëndësishme në hulumtimin dhe promovimin e trashëgimisë kulturore të trojeve tona.
U bisedua për rëndësinë e trashëgimisë kulturore, sfidat dhe potencialin e turizmit rural në vendin tonë.
Gjithashtu, diskutuan për rëndësinë e unitetit të popullit tonë në shtetndërtim, dhe rolin e të rinjve në këtë drejtim.
Kryeministri Kurti, duke falënderuar znj. Reineck për punën dhe kontributin e saj për Kosovën, u shpreh i gatshëm për mundësi të bashkëpunimit më të afërt në të ardhmen. Nëpërmjet këtij bashkëpunimi, synohet të përforcohet promovimi i trashëgimisë kulturore dhe të avancohet turizmi rural në Kosovë.
